He Mōhio mō ngā Mātua

He Mōhiohio mō ngā Mātua, ngā Kaiako me ngā Kaitiaki Pukapuka.

He ratonga whakamārama ā-ipurangi utukore a UiaNgāPātai.co.nz: mō ngā ākonga ā-kura o Aotearoa.

Kua tauiratia tēnei ratonga mō ngā ākonga kura tuatahi, tuarua hoki. Mā UiaNgāPātai rātou e whakapā atu ki tētahi kaitiaki pukapuka ā-ipurangi rarata te āhua, kakama hoki. Ā, mā te whakamahi i tētahi pūmanawa rorohiko mahi-ngātahi, ā, me tētahi tirohanga whai mōhio ki te pānui pukapuka kua whakaaetia, ka taea e ngā kaitiaki pukapuka ngā ākonga kura te awhi. Ā, ka taea hoki e rātou te tohu ko ēhea ngā mōhiohio tika mō ō rātou hiahia. Nā, ka aratakina ai rātou ki ngā rauemi ā-ipurangi whai kounga.

Ko tā UiaNgāPātai.co.nz he arotahi ki ngā mahi hāpai i te marautanga o Aotearoa. Ka taea a ia te whakamahi ahakoa ko whea mai tana rorohiko mena e whai hononga ana ki te ipurangi, ahakoa mā te kura, te whare pukapuka, te kāinga rānei

He tāpiritanga rauemi tēnei ratonga, hei mahi ngātahi, hei kīnaki hoki (kaua hei whakakapi atu) mō ngā kura me ngā ratonga whare pukapuka – he ‘aratakinga i te taha’ hei te wāhi me te wā ka hiahiatia ai.

Ko ngā painga matua o tēnei ratonga kei tōna āhua marutau me ngā āwhina ka tukuna atu ki ngā ākonga, kia kitea e rātou he mōhiohio kounga pūmau e rite ana ki ō rātou hiahia me ō rātou kōeketanga hoki.

Ngā Kaiwhaipānga me te Tahua Āwhina

E utuhia ana ngā kaimahi mō tēnei kaupapa mā ngā manākitanga pūtea ō:
Te Puna Mātauranga o Aotearoa, Tāmaki Pātaka Kōrero, Ngā Whare Mātauranga o Manukau, Ngā Whare Mātauranga o Te Raki Pae Whenua, Te Whare Pukapuka ā-rohe o Rodney, Ngā Kākano Mātauranga o Waitakere, Te Whare Pukapuka ā-rohe o Papakura, Te Whare Pukapuka o Kirikiriroa, Te Matapihi ki te Ao Nui, Ngā Kete Wānanga-ō-Otautahi, Te Whare Pukapuka ā-rohe o Hurunui, Te Whare Pukapuka ā-rohe o Waimakariri, Te Whare Pukapuka ā-rohe o Timaru, Kā Kete Wānaka o Otepoti, me Te Tāhuhu o Te Mātauranga.
Ētahi atu hunga whai pānga: Te Puna Whare Mātauranga ā-Kura (SLANZA). Ka tāpiri mai he tahua pūtea anō mō tēnei ratonga mai i Te Tāhuhu o Te Mātauranga me Pūnahaiti ā-Rā.

E Marutau ana?

Ēhara a UiaNgāPātai.co.nz i te wāhi pērā ki te ‘ruma kōrero’. Kōtahi anake te kaitiaki pukapuka ka taea e ngā ākonga te whakapā atu i roto i tētahi wāhanga mahi. Kāhore he whakapānga tō rātou ki tētahi atu tangata kāhore i te whakaaetia e mātou, i whakaakona rānei e mātou.

Kua whakaakona ā mātou kaitiaki pukapuka katoa ki ngā āhuatanga tika hei whakapā atu mā rātou ki te hunga taiohi, ā, kua āta tirohia ai hoki rātou e te rōpū pirīhimana.

Ā, kua ako a UiaNgāPātai.co.nz ki te taha o WhatungaMarutau, ā, kua tuku uāra mai i ngā hua marutau, aratakinga ratonga hoki mō ngā ākonga me ngā kaitiaki pukapuka.

Kaupapahere Mana Matatapu:

E whakamārama ana tēnei kīanga i tō mātou kaupapahere mana matatapu, kia mōhiotia ai ka ahatia ōu mōhiohio whaiaro ka kohia e mātou ā tō taki-urunga mai.

Me whakaatu ngā ākonga e taki-uru mai ana i tōna ingoa tuatahi, ēhia ōna tau, tona kura me tona pātai anō hoki, kia heipu ai ngā whakahoki o te kaitiaki pukapuka ki te pakeke me te tau ā-kura o te akonga. Ko ērā atu o ngā apure he mea hei kōwhiringa noa iho māna.

Me whai nohoanga īmēra ngā ākonga e pīrangi ana kia whiwhi tuhinga kōrero mō tā rātou wāhanga mahi, ā, me ngā hononga ki ngā paenga i torohia e rātou i roto i taua wā mahi. E kore he mōhiotanga whaiaro i tua atu e kohia, ki te kore te kaiwhakamahi e whakamōhiotia atu ai. Ka kohia e mātou he mōhiohio ūmanga hei arotakenga ā-roto anake mā mātou (me o mātou kaihomai). E kore rawa mātou e hoko atu, e tuari rānei i ētahi mōhiohio whaiaro nā mātou i kohi i a koe. E tiakina ana e mātou ngā wāhanga-iti whaiaro katoa kua tonoa mai ki UiaNgāPātai.co.nz i raro i mana o te Ture Matatapu o Aotearoa 1993.

Whakakāhoretanga

• E mahi nui ana UiaNgāPātai.co.nz kia hāngai pūmau ngā mōhiohio kei tēnei paenga ki ngā mōhiohio o ēnei wā tonu, ā, kia tikapū hoki, engari kāhore mātou i te whakaae kia herea mātou ki te kaupapa mō tētahi hapa, hē rānei.

• Kānui ngā wā ka tono ā mātou kaitiaki pukapuka i ngā ākonga ki ētahi atu pae-tukutuku. Ā, kia matatau anō ai ki te whai ngā ākonga i ēnā hononga, kei tēnā me tēnā o ngā paenga tōna ake kaupapahere mana matatapu me ō rātou ake parakitihi kohi pātengi raraunga. Kāore hoki mātou i te whakaae kia herea mātou ki ēnā pīkaunga, ki ēnā kaupapahere motuhake rānei

• Ki te honohia tētahi atu paenga, kaua nei tēnā e mea ana kei te tautoko UiaNgāPātai.co.nz i ō rātou huanga, ratonga, hua o roto rānei.

• Kua hangahia ngā pae-tukutuku e hono mai ana ki UiaNgāPātai.co.nz e ētahi rōpū whakahaerenga, tangata takitahi rānei puta noa i te ao. Ā, kia mōhiotia hoki kāore UiaNgāPātai.co.nz i te herea e ngā pīkaunga e pā ana ki ngā hua o roto, ki tona tikapūtanga, ki te wāteatanga mai rānei o ēnei pae-tukutuku.

E mahi nui ana UiaNgāPātai.co.nz kia hāngai pūmau ngā pae-tukutuku e hono mai ana ki tēnei pae-tukutuku, ki tō mātou tikanga kia whai ingoa pai ai, ā, ki te tuku mōhiohio kounga pūmau anō hoki.